Category: Magulang/Pamilya

Ang ibon na kinulong sa haula

November 3, 2016

Ang ibon na kinulong sa haula ni Nathaniel Anthony T. Jubac
PAKSA NG TULA: Magulang/Pamilya

Ako ay katulad sa ibong kinulong sa haula.
Kinulong ako dito ng aking sariling pamilya.
Pinanganak at lumaki, malungkot at magisa.
Tanging ako ng, nagtanda ng walang kasama.

Ang aking haula ay maganda.
Iwan ng magulang, ito ay pamana.
Perpekto itong lahat sana,
kung meron akong kasama.

Lumaking malamig sa tao, kahit sa sariling pamilya,
ayaw kong ganito, magbago ako sana,
sa salang ito ako ay nakokonsensiya,
Puso ko tigilan mo na ito, ako’y nagmamakaawa.

Nayong panahon nakalaya na ako sa haula,
pero di ko parin matigil ang panlalamig sa aking pamilya.
Ito ang pagsisikapan ko, ito ang aking pangako.
Ang relasyon ko sa aking pamilya ay magbabago.

Walang makatutumbas

November 2, 2016

Walang makatutumbas

ni Myca Dane Sapitula
PAKSA NG TULA: Magulang/Pamila

Naaalala ko noon nung ako’y naglalaro,

Sabi mo na ako’y magdahan-dahan pero ‘di ako nakinig sa iyong payo.
Natumba ako at nasugatan ang tuhod ko,
Pero imbes na pagalitan ay tinulungan mo akong tumayo.

Naaalala ko noon nung nagkasakit ako,
Binigyan mo ako ng gamot at pinunasan gamit ang bimpo.
Pinakain mo ako ng paborito kong ulam na iyong luto,
Pagod ka sa trabaho pero ako’y inalagaan mo.

Naaalala ko noon nung unang araw ko sa eskwela,
Umiiyak ako dahil ayaw kong lumisan ka.
Pinatibay mo ang loob ko at sabi mong kaya kong mag-isa,
Sabay sabi ng “Sus, matalino kang bata!”

At hanggang ngayon nakaukit pa rin sa aking alaala,
Kung paano mo ako hinele kahit pagod ka na,
Kung paano mo ako ginabayan at minahal ng sobra.
Walang makatutumbas sa iyo, aking ina.

Balik ka na

November 2, 2016

Balik ka na ni Sean Ronan Estive
PAKSA NG TULA: Magulang/Pamilya

Sa isang ingay ay biglang magigising ka,
May sisigaw ng “gising na! Tanghali na”,
Agad-agad babangon at lalabas ka,
Pagkalabas mo ay yun pala wala na.

Pagkagising mo pupunta na sa mesa,
Hinanda na rin ang sawsawan na pula,
Para sa alam niyang potaheng iisa,
Pagkapunta mo ay yun pala wala na.

Dahil sa sobrang kulit may nabasag ka,
Tatakpan agad agad ang iyong tenga,
Handa na sa mga balang ititira,
Pagkatakip mo ay yun pala wala na.

Bahala na magising ng maaga pa,
Bahala na potahe mo ay iisa,
Bahala na ulanan ng mga bala,
Basta ikaw ay andito, balik ka na.

Nanay

November 2, 2016

Nanay ni Aubrey Jean L. Liu
PAKSA NG TULA: Pamilya

Ang sabi ng nanay, “Anak ko, gising na.”
Ang sabi ng anak, “Ang aga aga pa!”
Hinayaan ng nanay, at mamaya’y binangon ulit.
At ang sagot ng anak, “Ano ba yan, tumahimik ka!”

Gumising nang maaga si nanay
Para sa baon mo na tinapay
Ang sabi ni nanay, “Anak, baon mo oh.”
Ang sagot ng anak, “Wala na bang iba?”

Bawat araw si nanay ay nandiyan.
Gumigising nang maaga para ika’y lutuan.
Kahit pagod na pagod, ika’y pinaghahandaan.
Anong sipag at sakit’y naranasan.

Pag gising mo ay tanghali na,
Pag tingin mo sa mesa ay walang handa.
Wala na ring baon sa mesa,
Wala na pala ang siyang naghahanda;

November 2, 2016

(walang pamagat) ni Isaiah M. Apolinario
PAKSA NG TULA: Magulang/Pamilya

Lagi silang nandiyan para sa iyo
Minamahal ka nila ng buong-buo
Pinangangalagaan ka’ng husto
At sila ang mga magulang mo

Sobrang maaga bumabangon
Nagtratrabaho hanggang hapon
Kahit pagod basta may maahon
Para mayroon ka lang pambaon

Pag may ikinakatakot ka
Sa kanila ka pumupunta
Nakikinig sa pangangailangan mo
Ginagawa ang lahat para sa iyo

Ginagabay ka at tinutulungan
Harapin ang iyong dinadaanan
Sila’y dapat respetuhin at mahalin
Dahil sa kanila ika’y may makain